1. Sorvespor razvôtt choloita: raxttrank ieta kolkolo; Kerubincher To choddun bosta, dhorn kampta.
2. Sionant Sorvespor vorto. Soglleam raxttram voir To Xrêxtt-Vorto.
3. Tujea thôr ani bhoikôr Nanvachi tim vakhann’nni korum “Khorench To Povitr”
4. Niticho môg korpi bollixtt Raza Tum, Promannikponnan Tujem raj sthaptai, Jakobachea ghorant Tum nit ani neai choloitai.
5. Sorvespora amchea Devak vakhannat, Tachea paiasona mukhar saxttangim poddun nomoskar korat, “Khorench To Povitr”
6. Tacheam iadnikam modem Moizes ani Aaron asle; Tachem Nanv ghetoleam modem Samuel aslo; te Taka ulo mari, ani To tankam zap dii.
7. Kupachea khambeant-sun To tanchê kodde uloitalo; te Tacheô adnia palltale ani Tachi Somurt samballtale.
8. Sorvespora, amchea Deva, Tum tankam zap ditaloi; ani zori tancheam guneanvank khas laitaloi, tori Deva, Tum tankam bhogxitaloi.
9. Sorvespora amchea Devak vakhannat. Tachea povitr Porvota mukhar saxttangim poddun nomoskar korat “Sorvespor amcho Dev Povitr”
