1. Zoi, zoi Sorvespor. Zo konn Sorvesporachi bhokti korta, Tacheô adnia sontosan pallta, to monis bhagi.
2. Tachi sonsôt prithumecher bollixtt zait vetoli, promannik mon’xanchi sonsôt sudoiv.
3. Tachea ghorant dhon ani grestkai, tachem promannikponn sasnnak togtolem.
4. Boream mon’xank kallokant uzvadd koso to porzollta, kiteak to konnvallo, doiall kallzacho ani sugunni.
5. Boro monis doia korun uxnnem dita, promannikponnan to aplo dhondo choloita.
6. Boro monis kodinch halcho nam, tacho ugddas togtolo nitekallim.
7. Tachem kalliz thir asa, Sorvesporacher patieun ravta, Nirbhagachi khobor pavot mhonn taka huskoch nam.
8. To aplem kalliz ghott dhôrta, taka bhirantuch nam! Akhrek apleam dusmananchem ghorttann zal’lem polleun to dhadoxi zatolo.
9. Soddôll hatan to dublleank vantt’ta, tachem boreponn togtolem sodankal, chôdd ani chôdd man taka melltolo.
10. Hem polleun patki mon’xam ragan zolltolim, dant kirlitolim ani nattkaien virtolim. Noxtteanchi axa bhongon vetoli.
