1. Sorvespora, Tujem boll razak anond dita: Tunvem dil’lea zoitan kitlo mhonn to sontosbhorit zata!
2. Tachea kallzache otrek Tunvem bhagoileai, tannem kel’lea magnneak Tunvem na mhollem naim!
3. Ut’tom’ vordanam gheun Tum taka mellunk ailoi, nirbhel bhangaracho mukutt tachea mathear ghaloi.
4. Tannem Tujê lagim jivit maglem ani tem Tunvem taka dileim, pinddkechê pinddkek togta-ballta toslem jivit.
5. Tunvem dil’lea zoitan taka vorto man mell’lo, dobajean ani mhoimen Tunvem taka bhôrloi!
6. Sodankal tacher Tuzo axirvad denvoitai, Tujea dorxonachea sontosan taka sontosbhorit kortai!
7. Raza aplo visvas Sorvesporacher dovorta, Bhov Vortea Devachea boreponnan tache pãi halche nant!
8. Tuzo bavllo sogllea Tujea dusmanank sôdun kaddtolo ani tankam sampddaitolo. Tuzo dvês kortoleank Tujea uzvea hatan Tum dhôrtoloi.
9. Tum dixtti poddtoloi tea disa khor-zolltolea agtteant tum tankam zolloitoloi. Sorvesporachea ragan tancho bhosm zatolo, zollto uzo tankam girastolo.
10. Prithumêveli tanchi sonsôt tum nattak kortoloi, mon’xanchea bhurgeam modem tanchim pinddka mellchich na!
11. Kitleô-i manddnniô te tujer ievzum, kosle-i fas te tuka manddum, tanchem kitench sadhon-vaddon ieunchem na.
12. Tum tujê bann tanchea tonddar sôddtoloi, ani te sottasott pillun polltole.
13. Utth, Sorvespora, Tuji podvi dakhoi! Tujea bollixtt bavlleachea manak ami tust-gitam gaitoleanv.
