1. Sorvespora, dolbharanchea Deva, Tujea Mondiracho kitlo hanv môg kortam!
2. Sorvesporachea angnnant rigunk mhozo otmo anvddeta, otrekta! Mhojem kalliz ani sogllem ang mhojem jivea Devak anondan ul’lastat!
3. Tujeam vedincher, dolbharanchea Sorvespora, mhojea Raza ani mhojea Deva, girbojiank porian mellta biradd ani pakolliank pilam kaddunk aito asa ghontter.
4. Tujea Ghorant ravtat te monis kitle bhagi, Dis-rat te Tuji vakhann’nni korit asat.
5. Jim konn Tujeach adaran Sion Dongrachi vatt dhôrchi axa kallzant ballgunuch asat tim khorench bhagi.
6. Korddea vollantlean choltanam tancheam pãiam pondlean futt’tat udkancheô zhori, xordechea pausacho tancher axirvad poddta.
7. Choddot choddot tim mukhar vetat, ani xekim Sionant tankam mellta Devachem dorxon.
8. Dolbharanchea Sorvespora, mhojem magnnem aik; Jakobachea Deva, mhojê vinovnnek kan di.
9. Amcher nodor ghal, Deva; amchi rakhonn kôr, Tunvem makhloleak bholeponnan samball.
10. Anink khôisor-ui hozar dis kaddchê poros Tujea angnnant êkuch dis ravunk mell’lear odik vhoddlem bhag. Papiancheam tombumnim biddar gheunchê poros mhojea Devahea Ghorachea umbrar pãi dovrunuch hanv odik bhagi.
11. Sorvespor Dev amcho Asro, To amchi rakhonn korta, kurpa ani mhoima vanttun dita. Guneanva vinnem choltoleank Sorvespor Aplim dennim dinastanam raucho nam.
12. Dolbharanchea Sorvespora, Tujer visvas tthevta to monis bhagi.
