Index

Stotranchem Pustok - Chapter 113

1. Zoi, zoi Sorvespor! Sorvesporacheam sevokamnô vakhann’nni korat; Sorvesporachea Nanvachi stuti korat.

2. Atam nani sodankal Sorvesporachem Nanv orchit zaum

3. Udenti thaun Ostomtê porian Sorvesporachem Nanv orchit zaum.

4. Soglleam raxttram voir Sorvespor. Mollba voir Tachi mhoima.

5. Sorvespora amchea Deva sarko konn asa? Aplê unch sodrer To choddun bosla, unch thaun voddov ghalun To polleta.

6. sorgar ani prithumecher nodor marta.

7. Khalteak To dhullintlo ubarta, durbolleak xennantlo voir kaddta.

8. Kunvram borabor taka zago dita, Aplê porjecheam kunvram modem taka bosoita.

9. Vanzddê bailek bhurgeam-ballanchi avoi korun aplea ghorant dhadoxi korta.

Index