1. Deva, raxtram Tujea Desant bhitôr sorleant, Tujem Povitr Mondir tãnnim bhoxttailam, Jeruzaleachem ghorttann korun sôddlam.
2. Tujeam chakranchim môddim vareaveleam sovnneamnim bonchunk sôddlim, Tujeam bhoktanchem mas savzank girasunk dilem
3. Akhea Jeruzaleant udkacheô zhori koxeô rogot vikrailem; mel’leank matiek laitolo konnuch nam
4. Xezarcheam lokank ami kenddnnecho mal zaleanv, bhonvtonnchim raxttram amkam hanstat, amchim khebddam kortat.
5. Oxem kednam porian, Sorvespora? Sodankal amcher tapun ravtoloi? Kednam porian ujea vori Tuzo rag pettlolo urtolo?
6. Tuka ollkhun ghenant team raxttrancher, Tujea Nanvak ulo marinant team rajeancher, Tujea ragacho uzo denvum-di,
7. Kiteak tannim Jakobak giraslo ani tachea ghorabeachem kelem ghorttann.
8. Amcheam purvozanche oprad amchea mathear ghalum naka, begobêg Tuji konnvallai amkam dakhoi ami polle zaleanv ekdom' dolldirim
9. Tujea Nanvachê vhoddvikê pasot pav amkam, Deva amchea Soddvonnara! Amchim patkam bhogôs, Sorvespora, Tujea Nanva khatir amkam nivar!
10. “Tancho Dev khoi pavlo?” oxem raxttrmnim kieak mhonnchem? Tujeam sevokanchem tãnnim rogot vikrailam tacho Tum sudd ghetai mhonn amcheam dolleam mukhar raxttrank kollum-di
11. Koidianchem rudon pavum Tujê mukhar, Zancher mornnachem formonn poddlam tankam Tujea bavlleachea bollan nivar!
12. Tuji vhôdd ninda kelea dekhun, Pormespora, amcheam xezariam koddsun sat pavtti farikponn ghe!
13. Punn ami, Tuji porza, Tunch chorvak vhortai teô xelliô, sasnnachea sasnnak Tuka dhin’vastoleanv, pinddkechê pindkent Tuji vakhann’nni kortoleanv!
