1. Hanv ulo martam tea vella mhaka zap di, nitichea Deva! Akantantsun Tum mhaka soddoitai; kaklut kôr, mhojem magnnem aikun ghe!
2. Kedna porian, mon’xamnô, tumchim kallzam darunn urtolim? kedna porian polkea vostuncho tumi môg korun ravtoleat ani lottka pattlean dhanvtoleat?
3. Hem mat zanno zaiat: Apunn môg korta tachê khatir Sorvespor vismitam korta. Hanvem Taka ulo marlear puro: To mhaka aikota.
4. Tachi bhirant dhôrat, patok korum nakat. Somadhanan niall korun tumchi rat kaddat.
5. Devak man’tat tosle iodn bhettoiat, ani Sorvesporacher visvas dovrat.
6. Zaitim zonnam mhonnttat: "Konn amkam sukh diit?" Tujea mukhamollacho porzôll amcher fankoi, Sorvespora.
7. Gonvache kodde ani soreache kollxe heranger bhòrlole astat, punn tanchea-von vhôdd sontôs bhôrlai Tunvem mhojea kallzant!
8. Xantin hanv add poddtam ani rokddich mhaka nhid poddta, kiteak ekloch Tum, Sorvespora, mhaka huskeavinn thir kortai!
