1. Sorvespor razvôtt choloita, prithum’ murgottum, dip ani zunve asatte soglle anondborit zaum.
2. Tachê bhonvtonnim kupam ani kallôk, Promannikponn ani Nit Tachê sodreche khambe.
3. Tachê fuddem êk uzo bhogbhogun ieta, ani sobhonvtim Tacheam dusmanank girasta.
4. Tachim zhoglam sonvsaracher uzvadd ghaltat, prithum’ polleta ani koddkoddta.
5. Sogllea sonvsarachea Dhonia mukhar porvot menna vori koddhtat.
6. Ontrall Tachem promannikponn gazoita, ani soglleam raxttrank polleunk mellta Tachi mhoima.
7. Murtipuza kortat tim sogllim, apleam kuddeam devanchi boddai sangtat tim, lojek sampoddtat, kiteak Sorvespora mukhar sorpott poddtat soglle dev.
8. Tuje nirnnoi aikun, Sorvespora, Sion murgott’ta, Zudacheô dhuvô anondan ul’lastat.
9. Kiteak mhollear Tunch Sorvespor, sogllea sonvsarant Tunch Bhov Vorto, soglleam devam poros Tunch Xrêxtt.
10. Vaittachi zankam vitt dista, tancho Sorvespor môg korta, Apleam bhoktancho To jiv samballta ani noxttencheam hatantle tankam nivarta.
11. Pormannik mon’xank êk Uzvadd udeta, borea kallzacheam mon’xank Sontôs ugvota.
12. Boream mon’xamnô, Sorvespora sovem sontosbhorit zaiat, Tachea Povitr Nanvachi stuti korat.
