1. Tuka vakhanntam, Sorvespora, kiteak Tunvem mhaka nivarloi ani mhojea dusmanank mhojê voir nachunk diunk naim.
2. Sorvespora, mhojea Deva, hanvem Tuka ulo marlo ani Tunvem mhaka boro keloi.
3. Sorvespora, Tunvem mhozo otmo Norkantlo vattailoi; fonddant denvtolea modlo kaddun, mhojea jivak novean ghottai dilii.
4. Sorvesporachea bhoktamnô, Taka stotram gaiat; To povitr mhonn ugddas dhôrat ani Tachi stuti korat.
5. Tacho rag khinna bhitôr na zata, punn Tachem bholeponn jivit bhôr togta. Zori rat kaddli dukam golloun, Tori fantea pahrar sontosan ul’lastam.
6. Svosth-sukhest zaun hanv mhonnunk laglom: Atam zata tem zaum, hanv halcho na!
7. Tujê kurpen, Sorvespora, thir dongrar mhaka ghôtt kel’lo; punn jedna Tunvem Tujem tondd lipoileim, tedna mhojer ailo kolkolo.
8. Tuka vhoddlean ulo martam, Sorvespora, hat zôddun mhojea Devachi doia magtam.
9. Hanv zôr morun gelom, hanv zôr fonddant pavlom, Tuka faido koslo? Mati-dhul’l zala tachean Tuji vakhann’nni korunk zait kai? Vô Tujem visvaxiponn bi porgottunk zait?
10. Sorvespora, mhaka aik, mhoji kaklut kôr, mhaka pav Sorvespora!
11. Dukhant-roddnneant kaddtalom dis, Tujea adaran atam uddtam-nachtam; prachitachim angavlim kaddun, Tunvem mhaka anondan nhesoiloi.
12. Dekhun mhozo otmo Tujea manak stotram gaitolo nirontorim; Sorvespora, mhojea Deva, Tuka dhin’vastolom nitekallim!
