1. Deva, Tum ogoch ravum naka, thôndd ravum naka, Deva, mono zaum naka!
2. Tuje xotru polle kosli gôddbôndd kortat, Tuje dusman polle apli tokli voir kaddtat
3. Tujê porjecher fituri manddtat, Tum môg kortai tancher bonddai kortat.
4. Oxem mhonntat: “Ieiat rê, tanchea raxttrachem sarkem nisontton korun soddum-ia! Israelachea nanvacho ugddasuch nam korum-ia”
5. Ekmotan tanchi bonddai cholta, Tujê virudh apnnam modem korar kortat:
6. ap-apleam tombumnim Edomachem ani Ismaelitanchem pennem, Moabachem ani Hagarachem pennem,
7. Gebal, Am’mon ani Amalek, toxech Filistikar and Tirikar
8. Asurkar-ui tanchê vatten geleat ani Lotacheam putank tenko ditat.
9. Midianak ani Siserak, Kixon nodi sorxim Jabinak Tunvem kelêi toxem, tankam-i atam kôr.
10. Endora lagim tancho zalo nas, tancheam pretanchem zomnik zalem sarem.
11. Tancheam kunvrank Oreba sarke ani Zeieba sarke, tancheam senapotink Zeba ani Zalmun’na sarke korun sodd.
12. Hech te ekdam mhonntale te: “Devache ganv amchê adhin korun gheum-ia”!
13. Mhojea Deva, palea sarke tankam vareachea bhonvreak sampddai, pola bhaxen te varear ubun vochum.
14. Zoxim ujean ranam vetat bhosmon, zoxe ag lagun dongor vetat lason,
15. toxench ghal tanchê pattir modd Tujem vavttollichê goddboddint tanchem kôr girgirem!
16. Tujem Nanv, Sorvespora, te sodunk ie-sôr tanchim tonddam lojen bhôr.
17. Sasnnak tankam lojek ghal ani bhenkddaun uddoi, gondhollant poddum soglle, soglleancho nas zaum!
18. Ani zanna zaum soglle: Tujem ekleachench Nanv Sorvespor, akhê prithumê voir Tum ekloch Bhov Vorto.
