1. Goribanchê ani osoktanchê gorjek pavta to monis khorench bhagi! Tachea akantachea disa Sorvespor taka pavtolo.
2. Sorvespor taka samballtolo, lamb auk taka ditolo, desant tachem sukh vaddoitolo, dusmanachê adhin taka sôddcho na.
3. Hantrunnar poddun vollvoll’lear To taka buzvonn ditolo, piddentlo kaddun taka bholaiki ditolo.
4. Hanvem oxem magnnem kelem: "Mhoji doia kôr, Sorvespora! Hanvem Tujer patok kelam: mhaka boro kôr.
5. Mhoje dusman mhojer add uloitat: "Ho rê kedna morun vetolo? tachem nanv kedna visron vetolem?"
6. Mhaka bhett diunk ietat, punn voilean polkim utram uloitat; kallzant vik gheun ietat, bhair sorona fuddem tem onktat.
7. Mhozo dvês dhôrtat te, mhoje dusman, borabor gunnum-gunnum korun mhojer ailam tem noxtt mhaka favo mhonnttat.
8. "Vikall khast tacher ailea, poddla to poddloch, anink to utthcho na!"
9. Zacher hanv patieun axil’lom, zo mhojê borabor jevnnak bostalo,to mhozo ixtt porian mhojer portolo!
10. Tum-i punn, Sorvespora, mhoji doia kôr! Mhaka porot ubo kôr ani hanv tankam budh xikoitolom.
11. Mhojea dusmanank mhojer zoit vhorunk Tum dina zaxi zalear,Tum mhozo ixtt mhonn mhaka gomun ietolem.
12. Tum mhaka samballxi zalear, koslench vaitt mhaka lagchem na, ani sasnnak mhaka Tujê mukhar ubo kortoloi.
13. Sorvesporak, Israelachea Devak, sasnnachea sasnnak zoi zoi! Amen! Amen!
