1. Mhaka nit korun di, Sorvespora, kiteak hanv nennttuvaien choltam. Sorvesporacher hanvem visvas dovorla: dekhun hanv halona.
2. Mhaka topasun kadd, Sorvespora, mhoji porikxa korun ghe, mhojem mon ani mhojem kalliz kosak lai,
3. kiteak Tuji doiamoia mhojea dolleam mukhar asa, ani Tujea sota pormannem hanv choltam.
4. Fottkiream modem hanv bosona ani dhongiam borabor hanv bhonvona.
5. Noxttea mon’xanchea sangatachi mhaka vitt ieta, khottea mon’xam modem hanv kodinch bospacho na.
6. (a)Nennttuvaien hanv mhoje hat dhutam(6b)Tujê vedi bhonvtonnim mirovnnukent vantto ghetam.
7. ani dhin’vasnnechim gitam gavun, Tujim vismitam porgôtt korun,
8. Sorvespora, Tum ravtai tea Ghoracho, Tujê mhoimen bhòrlam tea ttthikannacho Hanv môg kortam.
9. Patkiam borabor mhaka zhaddun uddoum naka, rogtak tanel’lea mon’xanchea vangdda mhozo jiv nattak korum naka.
10. Tanche hat noxtteponnim burxe zaleat, aplea uzvea hatan te lonch gheit asat.
11. Punn hanv nennttuvaien choltam; Tum mhaka soddoi, Sorvespora, mhoji doia kôr.
12. Mhoje pãi borea-nivôll margar thir asat. Dhorm-sobhent Tujem Nanv voir kaddtam, Sorvespora!
