1. Guneanvachem bhogsonnem zôr mell’lem, patkachem khot zôr dhuun kaddlem, monis kitlo bhagi!
2. Sorvespora mukhar zôr konnak guneanv na, konnachea monant zôr addkam-naddkam nant, to monis kitlo bhagi!
3. Vogoch ravlolom tedna sogllo mhozo jiv virun gel’lo, ak’kho dis haskar-suskar sôddit aslom.
4. Dis-rat Tuzo hat mhojer zôdd boslolo; gimachea ujean zoso jiv sukta, toxich virun gel’li mhoji sokôt.
5. Punn hanvem Tujê mukhar mhozo guneanv vollkhun ghetlo; mhojem patok hanvem lipoun dovorlem na. Hanvem mhollem: "Sorvespora mukhar mhozo guneanv vollkhun ghetolom," ani Tunvem mhojem patok bhogxileim.
6. Dekhun dôr-eka Tujea bhoktan akantachea vella Tuka prarthon korchem. Buddtechim udkam kitlim-i unch choddum, tim taka lagchim nant!
7. Tujea gopant hanv lipun ravtam, akantachea vella Tum mhaka rakhun dovortai; sorbhonvtim suttkeche ul’las Tum mhaka aikunk ditai.
8. "Hanv tuka updês ditolom, khoinchi vatt dhôrchi ti tuka dakhoitolom. Mhoje dolle tujer dovrun tuka budh diun choloitolom.
9. Ghoddeak ani gaddvak damun dhôrunk logom’ ani vadi êkuch upai, na zalear tim sorxim ienant. Tanchê sarko ginean-naxil’lo tum zaum naka."
10. Patki mon’xache attevitte khub, punn Apnnacher visvas dovortoleak Sorvespor kaklutin ani maiêmogan guttlaita.
11. Sorvespora sovem sontôs bhôgat! Borea mon’xamnô, anondan murgottat! Promannik kallzachea sogllea mon’xamnô, ieiat, sontosache ul’las sôddat!
