1. Zudachea desant Dev prosid’dh zala, Israelant Devachem Nanv kirtivont.
2. Jeruzaleant Tannem Aplo tombu ghala, Sionant tthikann korun To ravta.
3. Thôisor zhoddzhoddit sôddlole bhale, ddhal, torvari ani zhuzachim hatiaram sogllinch Tannem moddun uddoilim.
4. Tum, Pormespora, soglloch porzolltai, sasnnacheam dongram poros fankta Tuji thôrai.
5. Bollvont virank Tunvem luttlei ani te poddun mele; zhuzariancheam bavlleanchem boll môddlem
6. Tuzo dhenkso aikun, Jakobachea Deva, thôichê-thôich thambleô gaddiô ani ghodde.
7. Tum ekdom’ bhoikor ! Tuzo rag choddta tednam Tujê mukhar ubo ravunk konnak tankot?
8. Jednam prithvecheam khalteam mon’xanchi mon’subi korunk Dev utthlo,
9. tednam sorgar thaun Tuzo nirnnoi gazlo, prithum’ kolkol’li ani gopchup ravli.
10. Mon’xancho rag Tujich vhoddvik choddounk upkarta, jim konn Tujea ragantlim vanchtat tim Tujê bhonvtonnim anondan jietolim.
11. Sorvesporak, tumchea Devak, angovnnô korat ani teô pallat; Tachê bhonvtim astoleamnô, Bhoikôr Devak bhettovnniô korat
12. Toch kunvrancho prann kaddta, Toch prithumecheam razank bhenkddaita.
