1. Sorvesporak novem git rochun gaiat, Xekan’xek prithumêvoir Sorvesporak sodgitam gaiat
2. Hôi, Sorvesporachea manak gaionam korat Tachea Nanvachi vakhann’nni korat. Tannem dil’li soddvonn disan’dis porgôtt korat,
3. Tachê mhoimechi khobor raxttram modem gazoiat, soglleam porzam modem Tacheam ochorianchem vornnon korat.
4. Thôr-vorto Sorvespor, man bhovman Taka favo, Anink khoichea devachem Tachê itlem bhem dhôrchem?
5. Raxttranche dev mhollear fokot mon’xanchim ghoddpam Sorvespor zalear sorgacho Rochnnar.
6. Teza voibhova modem Tachem ason, Tachea Mondirant jhigjhigtat Tachi podvi ani sundorai.
7. Prithvecheam porzamnô, Sorvesporak nomoskar korat, Sorvesporachi mhoima ani boll vakhannat.
8. Tachea Nanvachi vhoddvik vollkhun, Sorvesporachem vondon korat. Danam-kannikô gheun ieiat, Mondirachea angnnant bhitôr sorat.
9. Tachea Povitr Mondirant Sorvesporak nomoskar korat, Sogllê prithumê, bhieun-kampun Tachê mukhar rav!
10. “Sorvespor ekloch Raza", ho udgar raxttram modem gazoiat, Sonvsar Tannem aplea zagear thir korun dovorla. Neainitin To porzancher razvôtt choloitolo. 13a Sorvespora mukhar
11. Sôrg ul’lasum, prithum’ sontosum, Somdir-doria ghongheum ani tantum bhorlam tem sogllem ghonnghonnum.
12. Fulam-follamnim nettoilolim xetam-bhattam sontosan hansum nachum, ranantlim rukh-zhaddam sogllim anondan murgottum bhurkottum.
13. b Kiteak hoblle Sorvespor ieuncho zalo. Prithumechi mon’subi korunk To ieta: sonvsarachi To nitin mon’subi kortolo, ani neaian raxttranchi zhôddti.
