1. “Sorvesporachea Ghora vochum-ia”. him utram mhojea kanar poddtanch kedo vhôdd sontôs mhaka bhòglo.
2. Ami pavleanv, Jeruzalea. Tujeam darvontteancher amchim panvlam. Tujê bhitôr rigle amche pãi.
3. Mozbut, êkêch bandavollichem, oxem bandun kaddlam amchem Jeruzalem.
4. Thôisor kullam choddun ietat, Sorvesporachim kullam tim. Thôi Sorvesporachem Nanv vakhannunk Israelacho kaido.
5. Thôisor manddleat mon’subecheô sodrô, Davidachea Ghoranneacheô sodrô.
6. Jeruzaleacher xanticho axirvad ghalat “Tujeam ghorabeank xanti”.
7. Xanti tujeam durgam bhitor, tujeam ghoram-nivasamnim xanti.
8. Sogllinch mhojim bhavbhoinn ani ixtt, dekhun oxem magtam,“Xanti tuka”.
9. Sorvespor amcho Dev hanga tthikann korun asa, dekhun tuka borem magtam.
