1. Sorvespora, pinddkechê pinddkent Tunch amcho Asro!
2. Porvot rochun ieunchê adim, prithum’ ani sonvsar utpon zaunchê adim, sasnnak thaun sasnnak porian tum Dev!
3. "Mon’xancheam putam-dhuvamnô, cholat portun - hea ekach utran mon’xank Tum portun!"- hea ekach utran mon'xank Tum portun matiek dhaddtai.
4. Kalcho dis ieun gelo, ratcho êk pahr sorun veta, oxim Tujeam dolleam mukhar hozar vorsam.
5. Utthchea vellachem soponn koxem, fultea tonna vori, mon’xancho jiv Tum nanch kortai
6. Sokallchem tem kirlota ani vaddta, sanz pavli mhollear bavun sukta.
7. Tujea ragan amcho nas zata, Tuzo krôdh amkam thorthoraun uddoita.
8. Amchim patkam Tujeam dolleam mukhar asat, Tujea mukhamollachea uzvaddant amche gutt ugte!
9. Tujea ragan amche dis sorun vetat, suskar koso amchem jivit nanch zata!
10. Kitlim vorsam ami vanchonv? Sot’tor, ani boll-bholaiki aslear, oixim!
11. Ani vorsam chodd zaun amkam kitem mellta? Tras ani pokllai. Tim sottkornn sortat, ani ami-i-nanch zatanv! Tujea ragacho bhar konnem bhôgla? Tuzo krôdh kitlo bhoikôr to konn zanna?
12. Amche dis kitle thodde te amkam visrunk dium naka, tednam amchea kallzak melltoli zannvai.
13. Portun ie, Sorvespora! Kednam porian ragaborit ravtoloi? Tujeam chakranche Tuka churchure disum!
14. Dis uzvaddtam Tujea mogan amkam dhadoxi kôr. Disachea disa anondan ani sontosan ami ul’laso-xem kôr!
15. Zoxem koxttam-dogdamnim amche dis Tunvem bhoril’lei, ani zaitim vorsam vignam-on’varam amcher dhaddil’lim-i, toxench atam amkam sukh-sontôs bhogum-di.
16. Tujeam chakram khatir Tum kitem korunk xoktai tem tankam dakhoi, tancheam bhurgeancher Tujê mhoimecho prokas fankum-di.
17. Sorvesporachem bholeponn amcher denvum! Amcheam hatancho vavr sufoll kôr, hôi, amcheam hatanchea vavracher Tuzo axirvad ghal!
