1. Deva-koddcho odhikar ghetil’lea mon’xamnô, khorem sangat: tumche nirnnoi nitiche? Mon’xanchea bhurgeank tumi sarko neai korun ditat?
2. Na! Kallzant tumi vaittuch ievzun asat, tumcheach hatan prithumer zulum’ cholta.
3. Avoichea kusveant-thaun khottea mon’xamnim vankddo marôg dhôrla. Zolma thaun te baxkollponnan choltat.
4. (a)Tanchem vik sorpachea vika sarkem; (4b)zoxi rogtmanddolli aple kan dhampta, toxe te choturaien bhere zaun ravtat.
5. (a)Jaduvaleanchea tallanchê bhulovnnek (5b)ani ghaddianchea montram-tontrank bhieun
6. Deva, tondda bhitôruch tanche dant fôdd! Hea savzanchim daddhmonam môddun uddoi, Sorvespora!
7. Vhanvtolea udka bhaxen te gollun vochum, pãiam tolla maddoilolea tonna vori te sukum.
8. Matient virun vetolea lull’lullit kiddeanchi, uzvadd pollenastana gôllun gel’lea gorbachi zaum tanchi gôt!
9. Zollovacho uzo moddkek lagta titlê bhitôruch, te ozun tornne astana vadoll tankam uboun vhorum.
10. Sudd gheuncho vêll pavlo dekhun, noxtteanchea rogtan pãi dhuunk mell’llem dekhun, promannik monis kitlo sukhest zatolo!
11. "Promannik mon’xak khorench protifoll mellta, khorench sonvsarant neainit kortolo Dev asa!" oxem monis vollkhun ghetole!
