1. Zo monis Bhov Vortea Devak xeronna ieta ani Sorvpodvedarachê savllek biradd gheta,
2. to Sorvesporak mhonnta: “Tum Mhozo Asro, mhozo kil’lo, mhozo Dev: tujer visvas dovortam."
3. Tuka vaitt korunk sôdtolea xikarikarachea fasantlo ani mornnadik piddentlo Toch tuka nivartolo.
4. Apleam pakhotteamnim To tuka lipoitolo, Tachea pakham khal tuka asro melltolo. Tachem visvaxiponn tuka rakhtolem ani samballtolem
5. Ratchê dhastecho vô disacho sôddlolea bannacho tuka kosloch bhoim ascho na.
6. Kallokant firtolê piddek vô donparcho nas kortolea orixttak tum bhieuncho nãim.
7. Tujê kuxik hozar zann morun poddum, tujea uzveak dha hozar xevtton vochum: tujê sorxim koslench vaitt paunchem na.
8. Tum dolle mat ugôddxi zalear, noxtteank kosli mozuri favo zata ti tuka distoli.
9. “Sorvespor mhojem Xeronn” oxem tum mhonntai, ani Bhov Vortea Devak tunvem tuzo Asro kelai.
10. Tôr tujer koslench vaitt ieunchem nam, tujea tombu sorxem pidda paunchich nam.
11. Khôichean-ui tum vexi, tuka rakhunk Tannem Aplea dutank hukum' ghala.
12. Fatrak tuzo pãi adollnam zaunk apleam hatamnim te tuka samballun dhôrtole.
13. Sorpacher ani furxeacher tum choltoloi, xinvak ani nagak tum mastitoloi.
14. “To mogan Mhaka chikttun ravta dekhun Hav taka nivartolom, Mhojem Nanv to vollkhota dekhun Hanv taka rakhtolom.
15. To mhaka ulo marta tednam Hanv taka zap ditolom; akantant Hanv tachea sangata astolom, Hanv taka vattaitolom ani vhôdd kortolom.
16. Lamb auk diun taka dhadoxi kortolom, Mhojem taronn polleunk taka favo kortolom.
