1. Deva, Tuka ulo martam, mhojem magnnem aik, dusmanachem mhaka bhem dista: mhaka rakhun dovor.
2. Hem polle noxtteanchem penddem, vaitt korpi soglle zomleat: mhaka lipoun dovor.
3. Torsadim bhaxen apleô jibô pazun kaddtat; bannam vori aplim vikall utram sôddtat.
4. Doddeak ravun niropradiancher môktat, konnak bhienastana sottkorn aplim bannam zôktat.
5. Guddmêll korun, noxttim kortubam ievzun kaddtat; fas khoim manddche, tem tharaunk vichar kortat. “Konn polletolo re?” oxem mhonnttat.
6. "Amchim gupit kamam konn sôdun kaddtolo?" Zo ontoskornnam topasun kaddta ani kallzancho tthav gheta, Toch sôdun kaddtolo!
7. Dev tancher Aple bann sôddtolo, kollonastananch tankam zokom’ kortolo.
8. Tanchi ti jib tanchem nisontton kortoli, tankam polletat titlem-i tokli haloun vetolim.
9. Tedna soglleancher bhirant ietoli, Devan kitem kelam tem tim sangtolim; Oxem kiteak kelam tem tankam somzotolem.
10. Dhormvont mon’xam Sorvespora sovem sontostolim, tim Taka xeronna vetolim; sogllim promannik kallzam vhoddvik bhôgtolim.
