1. Zoi, zoi Sorvespor! Sorvesporak dhin’vasat: To khorench boro,Tacho maiêmôg mit-mer naslolo!
2. Devanchea Devak dhin’vasat: Tacho maiêmôg mit-mer naslolo!
3. Dhonianchea Dhoniak dhin’vasat: Tacho maiêmôg mit-mer naslolo!
4. Vhodd-vhodd ochoriam korpi Toch eklo: Tacho maiêmôg mit-mer naslolo!
5. Tannem zannvaien mollob rochlam: Tacho maiêmôg mit-mer naslolo!
6. Doriancher Tannem prithum’ thir korun dovorlea: Tacho maiêmôg mit-mer naslolo!
7. Vhoddle dive Tannem rochun dileat: Tacho maiêmôg mit-mer naslolo!
8. Dis cholounk suria ghôddla: Tacho maiêmôg mit-mer naslolo!
9. Rat cholounk chondrim’ ani noketram: Tacho maiêmôg mit-mer naslolo!
10. Ejiptachea malgoddea putank Tannem marun uddoile: Tacho maiêmôg mit-mer naslolo!
11. Ani Israelak tanchê modlo bhair kaddlo: Tacho maiêmôg mit-mer naslolo!
12. Bollvont hatan ani podvedar bavllo ubar’n: Tacho maiêmôg mitmer naslolo!
13. Tambddo Doria Tannem doxim vanttlo: Tacho maiêmôg mit-mer naslolo!
14. Ani tachê modlean Israelak utrailo: Tacho maiêmôg mit-mer naslolo!
15. Thoim Tannem Faraok ani tachea soinikank buddoun marle:Tacho maiêmôg mit-mer naslolo!
16. Aplê porjek oronneantlean choloun vheli: Tacho maiêmôg mit-mer naslolo!
17. Bollixtt razank Tannem mar dilo: Tacho maiêmôg mit-mer naslolo!
18. Podvedar razank Tannem jivexim marle: Tacho maiêmôg mit-mer naslolo!
19. Sihon, Amoritkaranchea razak: Tacho maiêmôg mit-mer naslolo!
20. Ani Og, Bashan’chea razak: Tacho maiêmôg mit-mer naslolo!
21. Tanche dêsh Tannem daiz korun dile: Tacho maiêmôg mit-mer naslolo!
22. Daiz korun Aplea chakra Israelak te dile Tacho maiêmôg mit-mer naslolo!
23. Amchea dolldirponnant Tannem amcho ugddas kelo: Tacho maiêmôg mit-mer naslolo!
24. Ani amchea dusmananchea chopkeantlim amkam sôddoilim:Tacho maiêmôg mit-mer naslolo!
25. Jiv-aslolea sogllea rochnnank To pôsta: Tacho maiêmôg mit-mer naslolo!
26. Sorginchea Devak dhin’vasat: Tacho maiêmôg mit-mer naslolo!
