1. Sorvesporak novem git rochun gaiat: Tannem tôr ochoriam korun dakhoilim. Aplea uzvea hatan ani pavitr bavllean Tannem soddvonn jikun ghetli.
2. Apnnem jikloli soddvonn Sorvesporan porgôtt kelea, raxttrancheam dolleam mukhar Tannem Aplem promannikponn fankoilem.
3. Israelachea Ghoranneak bhasailolea mogacho ani visvaxiponnacho Tannem ugddas kelo. Xekan’xek prithumecher amchea Devachi soddvonn porzoll’li.
4. Akhê prithumê, ghonnghonnan Sorvesporachem vondon kôr, anondanche ul’las sôdd.
5. Kin’noriô vazontram dhorun Sorvesporak gitam stotram gaiat.
6. Tuturiô xingam vazoun Sorvespora Raiachem tthonntthonnit vondon korat. 9(a) Sorvespora mukhar
7. Somdir doria ghongheum, doriant asloleamnô, tumcho tallo ghonnghonnum, prithum’ sontosan murgottum: prithumer jietoleamnô, tumcho anond zhonnzhonnum.
8. Nodi talliô pettum, porvot dongor kuxalkaien bhurkottum.
9. (b) Kiteak hoblle Sorvespor ieuncho zalo. Prithumechi mon’subi korunk To ieta, sonvsarachi To nitin mon’subi kortolo, ani neaian raxttranchi zhôddti!
