1. Zoi, zoi Sorvespor! Sorvesporachea mogan mhojem kalliz bhorlam, kiteak mhoji vinovnni Tannem aikun ghetli.
2. Hanvem Taka ulo marlo tea velar Tannem mhaka rokddoch kan dilo.
3. Mornnacheam fasamnim mhaka veddho ghal’lo, Norkacho akant mhojer ail’lo, khonti-dukhint hanv buddlolom.
4. Tednam hanvem Sorvesporachem Nanv ghetlem, “Sorvespora, mhaka nivar”!
5. Sorvespor promannik ani doiall, amcho Dev maiêmogan bhôrlolo.
6. Sorvespor sadheam-bholleancho Askari; hanv niradari aslom,Tannem mhaka vattailo.
7. Otmea mhojea, portun xant rav, kiteak Sorvesporan tuka Aplem boreponn dakhoilem.
8. Tannem mhaka mornnantlo vattaila, dolleantlim dukam pusun kaddleant ani addun poddonam zaunk mhojim panvlam rakhleant.
9. Jiveam mon’xachea desant Sorvesporachê nodrê mukhar choltolom.
10. “Khonti-dukhint hanv sarkoch buddlam", oxem uloitanam porianhanv visvas dhôrtam.
11. Mhojea akantachea vellar hanvem mhollem, “Mon’xacher patieunk zainam.”
12. Sorvesporan mhaka itlem borem kelam, koso mhonn hanv Taka farik kortolom?
13. Sorvesporachem Nanv gheun soddvonnechem patr ubartolom
14. Sobhêmazar, sogllê Tachê porjê mukhar Sorvesporak kel’leô angovnnô palltolom.
15. Sorvesporacheam dolleam mukhar Tacheam bhoktanchem moronn bhov moladik.
16. Hanv Tuzo chakôr, Sorvespora, Tuzo chakôr hanv, Tujê chakornnicho put, mhojeô sanklli Tunvem toddun uddoileai.
17. Sorvesporachem Nanv gheun dhin’vasnnechem bolidan bhettoitolom.
18. sobhêmazar, sogllê Tachê porjê mukhar, Sorvesporak kel’leô angovnnô palltolom.
19. Sorvesporachea Ghorachea angnnant, tujeam margam-bidim modem, Jeruzalea.
