1. Sorvesporachea gopant mhaka asro mell’lla. Konn atam mhaka mhonnott: "Sovnnea vori tujea aplea dongrar uddun voch!

2. "Promannik kallzachea mon’xacher kallokhant ghuri ghalchea nimtan, he polle noxtte monis dhonu tann kortat, bann sôddunk toiar zatat.

3. "Buniad tôr gollgollaun uddoili, promannik monis kitem korunk xokta?"

4. Sorvespor Aplea povitr Mondirant asa, Sorvespor sorgar xinvasonar bosla: Tachê dolle prithumecher asat Tachi barik nodor mon’xanchea bhurgeank topasun kaddta.

5. Borea toxench noxttea mon’xak Sorvespor kosak laita, zulumacho môg kortoleancho Tachea Kallzak kanttallo dista.

6. Noxtteanchea mathear ujeache kollxe ani gondokacho paus To rokoita; tankam girasunk khôr-khôr varo sôddta.

7. Sorvespor promannik; promannikponn Taka man’ta; promannik mon’xank Tachem mukhamoll bhôgunk melltolem!

• Previous
• Next