1. Sogllê prithumê, Sorvesporak talliô pêtt anondan.

2. Kuxalkaien Sorvesporachi seva korat. Sontosachim gitam gavun Tachem dorxon gheunk ieiat.

3. Sorvespor amcho Dev mhonn monant dhôrat. Tannench amkam rochleant, Tachêch adhin ami asanv; Tachi porza ami, Tachea hinddantleô xelliô ami.

4. Argham diun Tache darvontte utrun kaddat, Taka vakhannun Tachea Mondirant bhitôr sorat, dhin’vasnnecheam ul’lasamnim Tachea Nanvachi kirti gazoiat.

5. Sorvespor kitlo boro, Tacho maiêmog sasnnak togta, pinddkeche pinddkent To sodanch visvaxi.

• Previous
• Next