1. Ieiat, Sorvespora mukhar anondan ul’lasum-ia, To amchem Khoddop, amcho Tarok, ieiat, Taka vakhannum-ia
2. Tachê fuddem ia, Taka dhin’vasum-ia gitam-gaionamnim Tachi stuti korum-ia.
3. Karonn Sorvespor mhollear vorto Dev, soglleam devam poros vorto Raza.
4. Khol-khol somdir ani unch-unch porvot Tacheah hatant asat.
5. Doria Tacho kiteak Tannem to rochla, ani Tacheam hatamnim akarloli suki zomin-ui Tachich.
6. Bhitôr sorat, man bagaum-ia, saxttangim poddum-ia, amchea Rochnnara Devak paiam poddum-ia.
7. Kiteak To amcho Dev, ani ami Tannem chorvak vhel’li porza,Tannem posloleô xelliô. “Az tori Tacho tallo tumi aikat!
8. Oronneant Meribak ani Mas’sak pavlolea disa, tumcheam purvozamnim kel’lem toxem, tumchim kallzam darunn korum nakat.
9. Tednam Mhojim kortutvam dekhleant astanam, tãnnim Mhoji porikxa korun ghetli.
10. Challis vorsam hê porjecho Mhaka kanttallo ailo, ani Hanvem mhollem: “Othir-chonchol hê porjechem kalliz, Mhojeô vattô volkhunk ti toiar nam."
11. Tednam Mhojea ragan Hanvem soput ghetlo, Mhojem somadhan bhogunk tim kodinch paunchim nant."
