1. Mhojea utrak kan di, Sorvespora, mhojem rudon aikun ghe!
2. Tuka ulo martam: mhaka chit di, mhojea Raia, mhojea Deva!
3. Tukach hanv prarthon kortam, Sorvespora, kiteak sokallchea vellar Tum mhaka aikotai. Dekhun sokallim mhojim magnnim Tujê mukhar ghaltam, ani Tujer dolle laun ravtam.
4. Vaittacho môg korpi Dev Tum nhoi, noxtteank Tum lagim ghenaim.
5. Gorvixtt mon’xank Tujê mukhar boddai korunk tank na! Onit kortoleank Tum vittetai.
6. Fottkireancho Tum nas kortai. Rogtak tanel’lea ani lottik mon’xancho Sorvesporak kanttallo ieta.
7. Punn mhaka, Tujea vhodda mogan, Tujea Ghorant bhitôr sorunk mell’llam. Bhoktin Tuka vondun, Tujea povitr Mondira mukhar saxttangim poddun noman kortam.
8. Dusman mhaka doddeak ravleat dekhun, mhaka choloi, Sorvespora; Tujea promannikponnachea margan Tuji vatt mhojê mukhar nivôll kôr.
9. Tanchea tonddantlea utrancher patieunkuch nozo; tanchem kalliz dusreancho ghat ievjit asa. Uktea fondda sarko tancho gollo, punn tanchim utram mhonva sarkim godd!
10. Te guneanvkar mhonn tancher nivaddo mar, Deva; tancheô naddbudhi fiskottun vochum-di. Tanchea guneanvancho hixobuch na, Tujer te kolpoleat: dekhun Tujea mukhavele tankam dhanvddai!
11. Punn zankam Tujea gopant xeronna ghetai tankam soglleank sontôs, sontosache ul’las sodankal! Tum tankam asro ditai dekhun, Tujê bhokt Tujê sovem sontosan murgott’ttat.
12. Promannik mon’xak, Sorvespora, Tunch axirvad ditai; Ddhala vori Tujem bholeponn taka rakhta ani samballta.
