1. Zoxem merum vhanvtê zhorik taneta, toso, mhojea Deva, otmo mhozo Tuka otrekta.
2. Devak, mhojea jivachea Devak, tanela mhozo otmo: kedna Tachem dorxon gheunk mhaka vochunk melltolem?
3. "Khoim asa tuzo Dev?" dis-bhôr oxem mhaka mhonnttat tem aikun, dis-rat hanv dukam gilltam.
4. Anondbhorit zatrekaram modem sontosache ul’las sôddun, kirtonam gavun, bhov povitr Tombunt, Devachea Mondirant hanv vochom: hench monant gholloun-gholloun, kalliz mhojem haskarta-suskarta.
5. Kiteak, otmea mhojea, chintest dukhest zalai? kiteak mhunn mhojê bhitôr haskar-suskar sôddtai? Devacher visvas dovor: Taka hanv vakhanntolom; To mhozo Tarôk, mhozo Dev: sodam Taka dhin’vastolom!
6. Jedna mhaka Tuje uball ietat, jedna Jordanachea ani Hermonachea desa thaun hanv tuzo ugddas kortam, khaltea Dongra,tedna mhojê bhitôr otmo mhozo virghota.
7. Mha-sagôr mha-sagorak bob marta: Tujea dhobdhobeancho ghonnghonn to! Lhara pattlean lhar, lotta pattlean lôtt, Kedo vhoddlo Tujea udkancho doria mhojea angar poddla!
8. Disacho mhaka Sorvespor Aplea maiêmogan bhôrum; ratim magir, gaionam gavun, mhojea jivachea Devak dhin’vastolom.
9. Dev mhojem Khoddop, hanv Taka sangtolom: "Kiteak mhaka visorloi? dusmanache upodre bhôgun khontibhorit mhaka bhonvchem poddta kiteak?
10. Jedna dusman mhaka opman kortat, ‘Tuzo Dev khoim asa?’ oxem mhonnun jedna te mhojea tonddar martat, tedna mhojea haddanchi zata pudd!
11. Kiteak, otmea mhojea, chintest dukhest zalai? kiteak mhunn mhojêbhitôr haskar-suskar sôddtai? Devacher visvas dovor: Taka hanv vakhanntolom; To mhozo Tarôk, mhozo Dev: sodam Takadhin’vastolom.
