1. Dev amchem Boll: sontosacheam ul’lasamnim Taka man diat! Jakobachea Devak anondan talliô pêttat!
2. Stotram gaiat, dholacho ghonnghonn korat, kin’noriancho ani vinneancho modhur avaz aikum-di.
3. Kômb-xingam gazoiat: az novea mhoineachi survat! Az pun’vecho dis, az amcho mha-utsôv!
4. Ho Israelak dil’lo kaido, hi Jakobachea Devachi adnia
5. Ejiptacher Devon Zhuz kelem tednam ho hukum’ Zuzek Tannem ghalo.
6. Vollkhunk ienaslolo ho tallo hanvem aikolo: Tujea khandar zum dovorlolem tem Hanvench kaddlem, panttim korcho vetthicho vavr tujeam hatantlo kaddun uddoilo.
7. Tujea dolldirponnant ulo marloi, ani Hanvem tuka nivarlo.“Vadollacheam kupamnim lipun, tuka Hanvem zap dili, Meribacheam udkam lagim tuji Hanvem porikxa keli.
8. Porje Mhojê, Mhojê xiddkavnnek kan di, Israela, tunvem Mhojem mat aikol’lêi zalear!
9. “Porko dêv tumchê modem ascho nhoi, bhailea khõicheach devak bhozum naka!
10. Zannem Ejiptachea desantli tuka bhair kaddli to Hanv, Sorvespor, tuzo ekloch Dev! Tujem tondd mat ugôdd, Hanv tem upott bhôrtolom.
11. “Punn Mhojê porjen Mhojea utrachi porva keli nam, Israelan Mhoji adnia khalteponnan mandli nam.
12. Dekhun, tanchim nibor-hotthi kallzam polleun, apnnank zai toxem tãnnim korchem mhonn, Hanvem tankam toxinch sôddlim.
13. “Mhojê porjen Mhojem mat aikol’lem zalear, Israelan Hanvem dil’li vatt dhôrloli zalear,
14. ekach faran tancheam dusmanank Hanv jiktolom aslom, tancheam voiriank Mhojeach hatan mar ghaltolom aslom.
15. “Sorvesporache dusman Taka paiam poddtole asle, tanchem gulam’ponn sodankal urtolem aslem!
16. Punn tumkam zalear boreantlo boro gonv diun Hanv postolom aslom ani khoddpantlea mhonvan tumkam dhadoxi kortolom aslom!"
