1. Sorvespora, pav amkam! Bhoktivont monis atam nanch! Mon’xanchea bhurgeam modlem visvaxiponn ubun gelem!
2. Ekamekak fottounuch bhonvtat: lottik tanchê ontt, ghatki tanchim kallzam!
3. Fôtt ulovpi ontt, boddai dakhovpi jib, Sorvespor kapun uddoum!
4. "Amchem boll mhollear amchi jib; amchê ontt te amchech! Konn tôr amcho dhoni?" osli tanchi boddai.
5. Punn Sorvespor mhonntta: "Zobordosti bhôgtolea dublleam khatir, haskar-suskar sôddtolea goribam pasot, Hanvuch atam utthun ietam! Axen axel’li tanchi soddvonn tankam atam diunk ietam!"
6. Sorvesporachim utram kitt-naxil’lim nirbhel utram, sat pavtti ujeant ghalun nitoll kel’lea rupea sarkim.
7. Sorvespora, Tujea gopant amkam ballgun dovor; hê pinddkechea hatantlim amkam sodam rakhun dovor.
8. Noxtte monis sogllê vatten lipchoriam bhonvtat-firtat, mon’xanchea bhurgeam modem ollxikanneank ogllo man bhovman mellta.
