1. Babilonachea nodinchê tôddir bosun Sionache uball amkam ietale; tedna amkam roddunk ailem.
2. Bhonvtonnchea hivram-rukhancher amchim sitaram ami umkollaun sôddlim.
3. Tedna thoim amkam dhôrun vhel’lim te apnnank gitam gaiat mhonn amkam sangtale. Amcher hal-upodre haddlole tech apnnank khuxal korat mhonn magun: "Sionant gaitaleat tim gitam amkam gaiat rê!" mhonnttale.
4. Sorvesporachem git porkeanchea desant koxem mhonn ami gavunchem?
5. Tuka hanv visron zalear, Jerusalea, ho mhozo uzvo hat dhorom!
6. Tuzo ugddas hanv sôddin zalear, sogllea mhojea sukham voir Jerusaleak hanv dovrina zain zalear, Mhoji jib ttalliek pankun urum!
7. Môddat! fôddat! buniadi soit tanchea xaranchem nisontton korat! Jerusaleachea Disa oxe uloitolea Edomachea putancho ugddas kôr, Sorvespora!
8. Amcho nas kel’lea Babilona, amchi tunvem dêsvatt kelii tichem farikponn ghetolo to khoro bhagi!
9. Toch khoro bhagi mhonnttam zo tujea dhakttuleank dhôrun fatrir xevttun martolo!
