1. Raxttram kiteak challovtat? Kiteak heô porza bextteô gunngunntat, kunnkunntat?
2. Sorvesporacher ani Tannem makhloleacher Prithumeche raza uprastat, kunvor guddmêll kortat:
3. "Ieiat rê, amkam ghatloleô sanklli tôddum-ia, tachem zum môddun uddoum-ia."
4. Sorgar xinvasonar bosun asa To tankam hansta, Sorvespor tancheô kenddnniô korta.
5. Magir ragabhorit zaun To tankam dobkaita, Tacho krôdh pett’ta ani te kamptat:
6. "Sion Mhojea povitr porvotar Hanvench Mhojea Razak makhla."
7. Sorvesporacho nirnnoi hanv porgôtt’tolom: Sorvesporan mhaka sanglam: "Tum Mhozo put, Hanvem tuka aichea disa zolm dila.
8. "Fokot mag, ani Hanv tuka raxttram tujem daiz korun ditolom; xekan’xek soglli prithum’ tujê adhin kortolom.
9. "Lokhonddachê betkattien tum tanchi podvi môddtoloi; kumbarachea moddkiam bhaxen tanchi pudd kortoloi."
10. Atam, razamnô, somzun gheiat; sonvsarachea razkarbhariamnô, chotraien cholat.
11. Sorvesporachi seva korat, Tachem bhem dhôrat,
12. ani thorthorun Taka pãiam poddat. Na zalear, Tacho krôdh choddun tumi morxat: karonn Tacho rag sottkorn pett’ta. Taka xeronna ietat tim sogllim subhagi!
