1. Khub-khub, Sorvespora, zaleat mhojê dusman! Mhojê virudh uprastat te odik-odik choddtat!
2. Kitlo lôk mhojê vixim mhonntta: "tachea Devacho taka adar na!"
3. Punn, Sorvespora, mhozo jiv rakhunk Tunch mhozo ddhal! Tum mhojea zoitacho prokas! Tunch mhoji tokli ubar’n dhôrtai!
4. Sorvesporak hanv vhoddlean ulo martam: Aplea povitr porvotar thaun To zap dita.
5. Dekhun add poddtam, sust nhidtam ani utthtam, kiteak Sorvespor mhaka samballta!
6. Hozaramnim lôk mhaka atam veddho ghalum, tori hanv tankam bhiena!
7. Utth, Sorvespora! Mhaka nivar, mhojea Deva! Mhojea dusmananchem tondd fôddtai ani noxtteanche dant môddtai to Tunch!
8. Sorvespora, amchea Taroka, Tujê porjecher Tuzo axirvad ghal!
