1. Kedna porian, Sorvespora? Tum mhaka samkoch visortoloi? Kedna porian mhaka Tujem tondd lipoun dovortoloi?

2. Kedna porian mhojea otmeant sôschi hanvem khont, dis-rat dukh mhojea kallzant? Kedna porian mhozo dusman bosun ravtolo mhojea mathear?

3. Mhojer nodor ghal, mhaka zap di, Sorvespora, mhojea Deva! Mornnachê nhident hanv poddona zaunk mhojea dolleank uzvadd di.

4. "Hanvem taka jikhlo!" oxem mhojea dusmanak mhonnunk dium naka. Hanv hal’lom-poddlom mhonnun mhojea xotrunk talliô pettunk nirmum naka.

5. Hanv zalear, Sorvespora, Tujea doiall mogacher patieun asam, Tujea adaran hanv suttlom mhonnun anondbhorit zaum mhojem kalliz! Sorvesporan mhaka môg dakhoilo tachê khatir hanv Taka gaionam gaitam. Bhov Vortea Sorvesporachea Nanvak stotram-sodgitam gaitam.

• Previous
• Next