1. Sorvespor kitlo vorto! Amchea Devachea xarant Taka man favo kitlo!
2. Tacho povitr porvôt apli sundôr tengxi voir kaddun dakhoita: ak’khê prithumecho anond! Sion porvôt! Ut’torêcho khoro dongôr! Vortea Razachem xar!
3. Hanga, tachea nivasam-kott’ttam modem, Apunnuch tacho ghôtt kil’lo mhonn Devan dakhoun dilem!
4. Soglle raza koblat korun ektthaim zale, ekamekak hat diun mukhar sorle.
5. Dekhona fuddem te thottak zale: ghabrun kampun pollun gele!
6. toso thoim razancher ailo dhodd’dhoddo, ballonterachea vollvolleam sarko!
7. Zoso udenticho varo-zhoddpo nas korta Tarxisachea tarvancho,
8. Amchea Devachea xarant, Devanuch sodankal rakhlolea Dolbharanchea Sorvesporachea xarant, jem ami aikol’lem tem amcheach dolleamnim ami dekhlem.
9. Tujea Mondirant, Deva, Tuzo môg ami nialltanv.
10. Sogllea mon’xam modem kedem vortem Nanv Tujem! Toxench prithvechea ximank pavlea kirti Tuji, nanvrup Tujem! Tujê podvechim kortutvam mezum-nozo titlim.
11. Tuje nivadde polleun Sion porvôt bhurkott’ta, Judacheô dhuvô murgott’tat.
12. Sion-xar bhitorlean polleiat, tachê bhonvtim bhonvddi marat, tache gopur mezun kaddat.
13. Bhonvtonnchim durgam polleun gheiat, tachea kil’leanchi porikxa korat.
14. Magir natuank-ponnttuank khobor diat, oslo amcho Dev mhonn tankam sangat, amcho Dev ani amcho Fuddari sasnnachea sasnnak!
