1. Sorvespora, amchea Deva, xekan’xek prithumecher kitlem vortem Nanv Tujem! Mollba poros unchli Tuji mhoima!
2. Lhan bhurgim, dudachim ballam legun, aplê jiben kortat tichi stuti! Oxem Tujea dusmanancheô manddnniô Tum fiskottaitai, Tujea xotrunk ani fiturank thondd kortai.
3. Mollob, Tujea hatanchem kam’, hanv pollein zalear, tunvem thoim lail’lea chondra-noketrancher nodor ghalin zalear,
4. monis konn Ga, Tunvem tacho ugddas korcheak? Adanvacho put konn, Tunvem tachi porva korcheak?
5. Tori astana Tunvem taka devdutam poros matso sokla dovorlai, mhoimecho ani tezacho mukutt tachea mathear ghalai;
6. Tujea hatanchea rochnnancher taka odhikar dilai, asa titlem-i Tunvem tachea pãiam tolla dovorlãi!
7. Menddram-gorvam, ranantlim savzam porian,
8. hennem tennem ubtolim vareavelim suknnim ani udkant firtoli doriantli maslli, sogllench tachê adhin kelãi!
9. Sorvespora, amchea Deva, xekan’xek pritumecher kitlem vortem Nanv Tujem!
