1. Somest porzamnô, talliô pêttat! sontosache ul’las sôddun, Devachi vakhann’nni korat!
2. kiteak Bhov Vortea Sorvesporachem mon’xamnim bhem dhôrchem: sogllê prithumecho Vorto Raza To!
3. Porzank To amchê adhin korta, raxttrank amchea pãiam tolla ghalta.
4. Tannench amchem daiz amkam venchun dilam: hem vhoddponn Jakobak kherit mogan favo kelam.
5. Sontosachea ul’lasam modem Dev choddta sorgar, turturechea ghonnghonnan Sorvespor choddot veta!
6. Amchea Devachea manak vazontram vazoiat, gazoiat! Amchea Raiachea manak vazontram vazoiat, gazoiat!
7. Ak’khê prithumecho Raza To: sogllê tumchê nipunnaien Tachea manak vazontram vazoiat!
8. Raxttram voir Dev razvôtt choloita, povitrtaiechea xinvasonar bosun To Apli razvôttki choloit asa.
9. Ami Abrahamachea Devachi porza, ani amchê borabor zomtat raxttranche fuddari. Prithumeche sordar Devachê adhin asat. Soglleam voir To razvôtt choloita!
