1. Boreponna ani niti vixim hem mhojem git; Tuka, Sorvespora, tem hanv ghoddun gaitam.
2. Sopurnnaiechea margar hanv cholot astolom, kednam mhaka mellunk ietoloi? Mhojea ghorant choltolom nirmoll kallzan;
3. koslich vaitt chal mhojeam dolleam mukhar naka, Kaide môddtoleancho hanv kanttallo dhôrtam, tanchi ixttagot mhaka naka.
4. Ghatki mon’xank hanv pois dovortolom; khotteam mon’xank hanv lekhcho nam.
5. Guptim peleacher boglanttam ghalta tachem hanv tondd fôddtolom; gorvan bhuzam voir kaddtoleak, boddaien ful’lolea kallzachea mon’xak, mhojean sosunk zainam.
6. Mhojea desantleam bhoktivontank, mhojea ghorabeant biradd diunk, hanv sodun bhonvtam; sopurnnaiechea margan choltat tankanch mhojê chakrek hanv ghetolom.
7. Naddbudhiche monis mhojea ghorant mhaka nakat; fottkire monis mhojeam dolleam mukhar raunche nant.
8. Dôr-sokallim desant melltoleam team soglleam khotteam mon’xank hanv nanch kortolom, vaitt kortoleam soglleank Sorvesporachea xharantlim bhair ghaltolom.
