1. Mhojea dusmananchea hatantlo mhaka nivar, Deva mhojea! Mhaka iza ditoleanchea chopkeantlo mhaka rakh ani vattai!
2. Vaitt kortoleanchea hatantlo mhaka Tum nivar! Rogtak tanel’leanchea ghansantlo mhaka Tum sôddoi!
3. Polle, mhozo jiv kaddunk te doddeak ravtat, bollixtt monis mhojê virudh penddem korun uprastat.
4. Punn hanvem koslich chuk korunk na; na, Sorvespora, hanvem patok korunk na! Mhozo guneanv nastana, mhojer zhuz korunk dhanvun ietat!
5. Utth, Sorvespora, Dolbharanchea Deva! Israelachea Deva, mhojê boglek rav ani polle. Utth, sogllea raxttrank xikxa lai, noxttea ghatkianchi bilkul doia korum naka!
6. Sanjechea vellar portun ietat, sunneam bhaxen gurgurtat bhonktat, xarantlean bhonvddiô martat.
7. Koxem polle tondd ugddun boddai sangtat, dusreank katrunk tancheô jibô pazloleô torvari. Konnachi porva kortanv rê ami?! Oxem chint’tat.
8. Punn Tum, Sorvespora, tancheô moskoriô kortai, raxttrank mhollear lekhich nãi!
9. Tum mhojem Boll: Tujeruch dolle laitam. Khorench, Deva, Tum mhozo Kil’lo!
10. Mhojea mogacho Dev Tum! haka pav, Deva! mhojea xotruncher mhaka zoit mellum-di.
11. Mhojê porjek ãnnim dogdaunchê adim, eva, tancho nas korun sôdd; ujê podven anche donke môdd, ankam xevttun uddoi. Ujeach hatant, Dhonia, sa amchi rakhonn!
12. Tanchem tondd patkanchem kondd, onttantlean golltat tim utram patkanch. Tôr tanchem gorv aum tanchoch bhông! Tancho xirap, anchem lottik ulovop tancheach mathear poddum!
13. Tujea ragan tancho nas kôr, ancho bhosm kôr, tankam nanch kôr! Jakobacher ani xekan’xek sogllê prithumecher Devacho odhikar cholta mhonn tankam vollkhum-di.
14. Sanjechea vellar portun ietat, sunneam bhaxen gurgurtat bhonktat, xarantlean bhonvddiô martat.
15. Khavpak kitem mellta tem sôdunk firtat, pott-bhôr mello-sôr dant kirlun bhonvtat.
16. Hanv zalear Tujem boll vakhanntam, dôr sokallim Tujea mogachem kirton gaitam, kiteak Tum zalai mhozo Kil’lo, mhojea akantachea disa mhozo Asro.
17. Tum mhojem Boll, Deva, Tujea manak stotram gaitam. Tum, Deva, mhozo Kil’lo, mhojea mogacho Dev Tum!
