1. Sorvesporache adhin asa prithum' ani ticher jietat tim sogllim, sonvsar ani sonvsarantlo sogllo lôk.
2. Tannench prithum’ doriam voir manddlea, Tannench tika udkam voir thir korun dovorlea.
3. Sorvesporachea dongrar konnak choddunk mellot? Tachea povitr tthikannant pãi dovrunk konnak favo?
4. Zo nitoll hatancho ani nirmoll kallzacho, zo holkea-polkea vostunk lobhdona, ani soput gheun peleak fottoina, tosleach mon’xak!
5. Taka ekleakuch Sorvesporacho axirvad ani tachea Soddvonnara Devachi kurpa.
6. Oslim mon’xam Taka sôdit-sôdit asat, Tujem mukh polleunk axetat, Jakobachea Deva!
7. Darvontteamnô, tumchem mathem voir uklun dhôrat! Purvilea darvontteamnô, tumchim tornnam unch ubarat! Mhoimevont Razak bhitôr gheiat!
8. Konn to mhoimevont Raza? To Sorvespor bollixtt ani dhiradik, zhuzant kalljidar Sorvespor To!
9. Darvontteamnô, tumchem mathem voir uklun dhôrat! Purvilea darvontteamnô, tumchim tornnam unch ubarat! Mhoimevont Razak bhitôr gheiat!
10. Konn to mhoimevont Raza? To dolbharancho Sorvespor, mhoimevont Raza To!
