1. Deva, mhozo ulo aikun ghe, mhojê vinovnnek kan di!
2. Pois pois pavlam, Tuka ulo martam: kalliz mhojem virghun veta!
3. Bhov unch khoddpar mhaka ubarun dovor: Tum mhozo Asro, mhojea dusmana add Tum mhozo ghôtt Kil’lo!
4. Tujea tombunt sodam mhaka biddar di, Tujeam pakhotteam khal mhaka asro di.
5. Tum, Deva, mhojem magnnem aikotai, Tuka bhôztoleanchem daiz mhaka ditai.
6. Razachem jivit lamb-lamb kôr: pinddka ieum pinddka vochum, tori tachim vorsam togun togum.
7. Sodanch to Deva mukhar xinvasonar bosun ravum! Tujea Mogan ani Visvaxiponnan tachi Tum rakhonn kôr!
8. Oso hanv sodanch Tujea Nanvachem kirton gaitolom, ani dispottim mhojeô angovnnô palltolom.
