1. Dev amcho asro, To amchem boll, koxttam-akantachea vellar adar diunk sodanch toiar.
2. Bhuim kamplear kampum, dongor khôl doriant umtton poddum,ami halchim nanv!
3. (a)doriachim udkam chollbollum ghollbollum, (3b)lharanchea maran dongor halom, (3c)Dolbharancho Sorvespor amchea sangata asa, Jakobacho Dev amcho Kil’lo!
4. Devachea xarak khuxalkai haddtolim vhanvtat udkam ekê nodichim: Bhov Vortea Sorvesporacho povitr nivas thoim asa ubo!
5. Devan zôr tthikann kelam xara modem, tôr tem xar halot koxem? Dis udena fuddem Dev ieta tachea adarak;
6. Tacho tallo zôr sonnsonnlo, raxttram thorthortat, razvottanchi zata môdd-fôdd, bhuim veta konsllun!
7. Dolbharancho Sorvespor amchea sangata asa, Jakobacho Dev amcho Kil’lo!
8. Ieiat, polleiat Sorvesporachim kortutvam, Tannem prithumecher kel’lim ojapam!
9. Dhonu môddun, bhale tuttoun, ddhal lasun uddoun sogllê prithumer To zhuzam sompoita.
10. Xant ravat, Hanv Dev mhonn vollkhun gheiat, raxttram modem Bhov-Vorto, sonvsarant Ut’tôm-Unchlo!
11. Dolbharancho Sorvespor amchea sangata asa, Jakobacho Dev amcho Kil’lo!
