1. Zoi, zoi Sorvespor! Jednam Israel Ejiptantlo bhair sorlo, jednam Jakobachim bhurgim porkea loka modlim sutton ailim.
2. tednam Zudacho prant zaunk pavlo Tachem mondir ani Israel zalo Tachem raj.
3. Hem polleun doria pollun gelo, Zordan-nôd pattim sorli,
4. bokddeam sarke porvot uddiô marunk lagle, menddream bhaxen uddleô dongriô.
5. Doria, kiteak mhonn tum pollun geloi? Zordan-nodi, kiteak tum pattim sorlii?
6. Porvotamnô, kiteak tumi bokddeam sarke martat uddiô? Dongrianmnô, kiteak mhonn tumi menddream bhaxen uddtat?
7. Bhieun-kampun, prithumê, rav tujea Dhonia mukhar; Jakobachea Deva hujir kampun-bhieun rav.
8. Khoddpachem To tollem korta, pakhonnantleô kaddta udka-zhori.
