1. Tuka ulo martam, Sorvespora: bêgobêg mhaka pav! Hanv polle Tuka apoitam: mhaka kan di!
2. Dhumpa vori prarthon mhojem Tuje mukhar choddum-di, sanjechi bhettovnni koxi mhoje zôddlole hat.
3. Sorvespora, mhojea tonddachi rakhonn kôr, mhojea onttanchea darak addambo ghal!
4. Mhojem kalliz vaitt kornniam vatten vondovonk dium naka, noxtteanchea noxtteponant mhaka vantto gheunk dium naka. Tanchê pongtir hanv kodinch Jevnna-bhozonnak boscho na.
5. Mhojea boreak boro monis mhaka boddoum ani xikxa lavum. Punn patkiachem tel mhojea mathear nakach! Tachea noxtteponna add hanv sodam prarthon korit asam.
6. Jedna tanchea mukheliank dharinchea khoddpancher xevttile, tedna mhojim utram kitlim khorim tem tankam gomun ailem.
7. Zoxem dhortorer aptton xevtton poddlolea danteache zatat kuddke, toxim tanchim haddam Norkachea tonddant ximpddon poddlim.
8. Tuka, Sorvespora, mhojea Dhonia, mhoje dolle ubartam. Tuka xeronna ietam, mhaka sôddum naka.
9. Mhaka manddlolea fasantlo, vaitt kortoleanchea gondhollantlo Tum mhaka rakh.
10. Hanv mugelo sutton vetam mhonno-sôr, noxtte monis apnnench vinnlolea zallant poddum.
