1. Zoi, zoi Sorvespor! Sorvesporak dhin’vasat, To kitlo boro, Tacho maiêmog mit-mer naslolo.
2. Israelacheam putam-dhuvamnim mhonnchem “Tacho maiêmog mit-mer naslolo.”
3. Aaronacheam putamnim mhonnchem, “Tacho maiêmog mit-mer naslolo.
4. Sorvesporachi bhokti kortoleamnim mhonnchem “Tacho maiêmog mit-mer naslolo.
5. Mhojea akantant hanvem Sorvesporak ulo marlo, Tannem mhojem aikolem ani mhaka soddoilo.
6. Sorvespor mhojea pokxak asa, tôr kosli bhirant? Monis mhaka kitem korunk xokta?
7. Sorvespor mhojea pokxak asa, To mhozo Askari, mhojeam dusmananchi hanv porva korinam.
8. Mon’xancher visvas dovorchê poros Sorvesporachea gopant asro sôdlear odik borem!
9. Razkunvrancher visvas dovorchê poros Sorvesporanchea gopant asro sôdlear odik borem.
10. Soglleam raxttranchea Lokan mhaka veddho ghalo, Sorvesporachê Nanvim hanv tanchi pudd korun sôddtam.
11
12. Ganjilam bhaxen mhozo jiv khaunk aile, kanttianchea ujea bhaxen te zolltale, Sorvesporachê Nanvim hanv tanchi pudd korun sôddtam.
13. Mhaka lokoun uddoilo, xevttun marlo, punn Sorvesporan mhaka adar dilo.
14. Sorvespor mhojem Boll, Tannench mhaka soddoilo, Dekhun Tachem kirton hanv gaitam.
15. Bhoktancheam tombumnim sontosache ani zoitache ul’las. Sorvesporachea uzvea hatan kelim vortim kortutvam.
16. Sorvesporachea uzvea hatan zoit vhelem, Sorvesporachea uzvea hatan kelim vortim kortutvam.
17. Hanv morcho nam, hav jivoch astolom ani Sorvesporachim kortutvam vornnitolom.
18. Sorvesporan mhaka khast laili, borich khast laili, punn mornnachea chopkeant Tannem mhaka soddunk nam.
19. Povitr Mondirachim daram mhaka ugôddat, bhitôr sorun hanv Sorvesporak argham ditolom.
20. Hem dar khorench Sorvesporachem dar, fokot bhoktivontank tantuntlean bhitôr sorunk mellta.
21. Tunvem mhojem aikolêi ani mhojem taronn kelêi dekhun hanv Tuka argham ditam, Sorvespora.
22. Zo fatôr bandpiamnim soddun dil’lo toch zalo konnxea-sondhicho fatôr.
23. Hem Sorvesporanuch ghoddun haddlam, tem polleun ami thottak zaleanv.
24. Sorvesporan ghoddil’lo dis ho, sontoxi ani anondbhorit zaum-ia.
25. Kôr, Sorvespora, amchi soddvonn kôr. Kôr, Sorvespora, amchem jivit kôr sukhest.
26. Sorvesporachea Nanvan ieta taka zoi! Sorvesporachea Ghorant thaun ami tuka sukh magtanv.
27. Sorvespor amcho Dev, To amcho Uzvadd. Thalliô hatan dhorun, haloun-haloun, vedi mukhar porian mirovnniô kaddun ieiat.
28. Tum mhozo Dev, hanv Tuka argham ditam, mhojea Deva, hanv Tujem kirton kortam
29. Sorvesporak dhin’vasat, To kitlo boro, Tacho maiêmog mit-mer naslolo.
