1. Tujea akantachea vellar Sorvespor tuka zap dium, Jakobachea Devachea Nanvan tuka adar mellum!
2. Aplea povitr Mondirant-thaun To tuka mozôt dhaddum ani Sionant thaun tuka tenko dium!
3. Sogllim tujim somorponnam To monant dhôrum, ani tunvem bhettoil’lo hôm’ Tachea Kallzak manom.
4. Tujea kallzache anvdde To xarti pavoum ani soglleô tujeô ievzonneô iesesvi korum.
5. Tuka zoit mell’llam mhonnun ami anondache ul’las sôddunk pavum, ani amchea Devachea nanvan amkam sontôs bhogum! Tum magtai titlem-i Sorvespor tuka dium!
6. Apnnem makhloleak Sorvespor zoit ditolo; Ani Aplea uzvea hatachea koutik zoitamnim Aplea povitr sorgar thaun taka zap ditolo: hachi mhaka atam khatri asa.
7. Konn-konn ghoddesvorancher, konn-konn ghoddeancher aplo visvas dovortat, punn amcho visvas sogllo Sorvespora amchea Devacher!
8. Te zalear aptton-dhoptton poddtat, punn ami thir ubim togtoleanv.
9. Sorvespora, razak zoit di, ami ulo martanv tea disa amkam zap di!
