1. Deva, mhojea Deva, Tuji vatt polleun asam! Zoxi suki korddi bhuim udkak morta, toso mhozo otmo Tuka tanela, mhoji kudd Tuka otrekta!
2. Tujea Mondirant mhoje dolle Tujer launk axetam, Tuji podvi ani Tuji mhoima bhogunk anvddetam.
3. Jiva poros chodd Tuzo Môg havn lêkhtam, mhoje ontt Tuji stuti kortole.
4. Sogllê mhojê jinnent Tuka vakhannotolom, Tujea Nanvachea manak hat zôddtolom.
5. Pott-bhôr jevlolê porim dhadoxi zatolo mhozo otmo, mhoje ontt murgott’tole, mhojem tondd Tujem kirton gaitolem
6. Mhojê khattir Tuzo ugddas kortam, soglli rat Tujeruch kortam niall.
7. Kiteak Tum sodanch mhozo Askari, ani Tujea pakhotteanche savllent hanv murgott’tam.
8. Mhozo otmo Tuka chikttun ravta. Tuzo uzvo hat mhaka samballta
9. Mhozo jiv kaddunk mhojê pattim lagleat tankam zomin gilltoli.
10. Torvarin te mortole, koleanchem khann zaunk pavtole.
11. Tedna Deva sovem razak sontôs bhôgtolo; Tachea Nanvan soput ghetat tankam vhoddvik melltoli, kiteak lottik tonddam ogim poddtolim.
