1. Zoi, zoi Sorvespor! Borim mon’xam ektthãi zatat ani lokachi zomat bhorta tednam sogllea mhojea kallzan Sorvesprak dhin’vastam.
2. Sorvesporachim kortutvam unchlim-vortim, tancher sontostat tannim tim niallchim.
3. Mhoimevont Devan kelam tem sogllem loklokit-porzollit: Tachem promannikponn ballta-togta sodankal.
4. Apleam vismitancho To amkam ugddas dovorta, Sorvespor maiêmogacho ani kaklutin bhôrlolo.
5. Apli bhokti kortoleank To jevunk-Khaunk dita, Aplo korar sodanch monant dovorta.
6. Raxttranchem daiz Aplê porjechea hatant ghalun, Apleam kortutvanchem tika boll dakhoita.
7. Apunn korta tea soglleant To nitivont ani visvaxi, soglle Tache kaide visvaxiponnache.
8. Sasnnachea sasnnak tharailole, promannikponna ani sota pormannem manddun haddlole.
9. Aplê projek To suttka dita, Aplo Korar sasnnak sthapun dita, Povitr, Orchit Tachem Nanv.
10. Sorvesporachi bhokti zannvaiechi survat, Devachi bhokti korun jietat tim sogllim xhannim. Tachi vakhann’nni togta nitekallim.
