1. Mhoji kaklut kôr, Deva, mhoji kaklut kôr! Mhozo otmo Tuka xeronna ieta. Môddun-tôddun uddoita toslem hem tufan somposôr, Tujea pakhotteanchê savllent hanv asro ghetam.
2. Devak, mhaka sodanch borem kel’lea Bhov Vortea Devak, hanv ulo martam.
3. Sorgar thaun To mhaka adar dhaddum ani soddoum; mhojea angar poddtoleank To lojek ghalum; Dev Aplem visvaxiponn ani môg dakhoum!
4. Mon’xanchea bhurgeank gilltolea xinvam modem poddla mhozo jiv; bhaleam-bannam sarke tanche dant, jib mhollear pazloli torvar.
5. Unch mollba voir Tujem dorxon di, Deva, sogllê prithumer fankoi Tuji mhoima!
6. Mhojea panvlank tãnnim zall manddlem, koxttamnim mhaka chêplo; mhojê vatter khonnlolea fonddant tech babdde poddle.
7. Mhojem kalliz toiar zalam, Deva, hôi, kalliz mhojem toiar asa! Tujea manak gaionam kortolom, stotram-gitam rochtolom.
8. Otmea mhojea, zago za! Kin’nori, sitara, zaiat zagim! Fanteak kortam zagem!
9. Porzam modem, Dhonia, Tuka vakhanntolom, raxttram modem Tujem kirton kortolom,
10. kiteak mollba itlo unch Tuzo môg, kupam porian choddta Tujem visvaxiponn!
11. Unch mollba voir Tujem dorxon di, Deva, sogllê prithumer fankoi Tuji mhoima!
