1. Vhoddlea tallean Sorvesporak ulo martam, vhoddlea tallean Sorvesporak prarthon kortam!
2. Mhojea kallzache huske Tachea kallzant ghaltam mhojea tollmolleanchi soglli khobor Taka sangtam.
3. Mhojê bhitôr jiv virun gela, koslê gotik hanv pavlam tem Tum zannai. Khoinchean-ui pãi ghalin zalear, dusmanan mhaka manddlole fas melltat.
4. Mhojea uzveak mhaka rakhtolo konn mhaka disona. Khoim mhonn pollun vochum? Mhozo jiv samballtolo konnuch na!
5. Tuka ulo martam, Sorvespora, Tuka sangtam: ekloch Tum mhozo Asro, sonvsarant Tum ekloch mhojem daiz!
6. Mhoji bob aikun ghe: dolldirponnant hanv sarkoch buddlam! Mhojê-von bollixtt dusman mhaka dogd ditat: tanchea hatantlo mhaka nivar!
7. Hea khonddantlo mhaka bhair kadd, magir borea mon’xanchê sobhent mhaka Tuji doiamoia dakhoilii mhonn novean Tujem Nanv vakhanntolom.
